伊藤舞雪見面會後記 by George Chow
話說某日我睇ig嘅時候見到まゆきち出咗個新story,作為一個fans,當然第一時間就開黎睇下啦,點知俾我發現原黎喺女神黎香港出席活動。當時我真喺好興奮,因為終於有機會可以響香港見到女神嘅真人,依個喺我由第一次睇女神作品到當時嘅夢想。所以我即刻準備定部電話諗住教好時間去買參加券,但當時間慢慢去到發售嘅時間,心情由興奮轉為忐忑,畢竟之前一次都冇參加過類似嘅活動,而且基於普遍人都比較保守,我驚報完名之後得幾丁友去,感覺會好尷尬。但係掙扎咗幾秒之後,就豁出去,心諗可以見女神嘅機會可能得依一次,更何況有咩值得尷尬,咪同鏡粉追鏡仔一樣。終於去到見面果一日啦,我諗住應該唔會好多人,所以就遲咗少少到,點知行到西洋菜街,見到一條長隊,當時有D疑惑,我記得果個位好似冇小巴站之類,就算落雨,都唔會有咁長人龍等的士。但係當我睇到sixtoy員工舉住隊尾嘅牌之後,我所有謎團同不安都煙消雲散。估唔到,有咁多志同道合嘅人一齊排隊等上去見まゆきち,當時我覺得當初鼓起勇氣報名喺我目前做過最好最果斷嘅決定。雖然當時住落雨,但係無阻成班師兄師姐期待見まゆきち嘅心情,當然包括我啦。等咗好似四個鐘左右,終於輪到我同まゆきち合照,當時感覺上まゆきち好似有D唔舒服,但係佢都保持笑容,重點喺まゆきち真係好靚女,令到我影完相到走出旺角,心情都未平復到。其實我有依個經驗都喺要多謝sixtoy舉辦依一次嘅見面會,一般如果想見女優,都要去日本或者台灣參加活動。因為自己日文仲係初階,日本活動應該好難參加到。而因為自己工作嘅關係,每逢8月台灣舉辦嘅tre都參加唔到。自從今次發掘到Sixtoy之後,我會時刻留意sixtoy嘅女優活動。當發現有自己心儀嘅女優黎香港參加活動,我一定會毫不猶豫果斷地去搶飛,就好似禮拜一嘅もも見面會券咁,可惜搶唔到簽名券。不過之後我最最最期待都喺黎緊可以見到真真真女神涼森,希望可以有幸參加到佢嘅off會就好啦🤣🤣🤣
留言